حصول المرأة العراقية على المرتبة الأولى عربياً من ناحية الجمال
25Feb
كتبت الصحفية نهى الصراف في صفحتها الفيسبوكية ، باللهجة العراقية ، حول موقف البعض من نتائج استطلاع.... حصول المرأة العراقية على المرتبة الأولى عربياً من ناحية الجمال.
.........
خبر مو صحيح.. ما معقولة ؟ ما مصدكَين؟
تريدون المصدر .. ها؟
.......................
روحو شوفو البيوت المرتبة والنظيفة..
الطبخات اللذيذة المرصوصة بحب على ميز الطعام
البردات اللي تنغسل كل شهر والشبابيك اللي تتلمع كل أسبوع
ملابس الأطفال المرتبة وابتساماتهم الراضية وعيونهم الشبعانة حنان
3 حروب وحصار اقتصادي وثقافي وإرهاب ومفخخات وخسارات وإحباطات وجوع وحقوق ضايعة ونكران ذات..
.......
وما زالت ملامح العراقية تبتسم .. واللسان يردد (الله كريم)
والعيون تعاتب (صاحب) الدار.. عندما يعود من عمله وهو يحمل باقة ورد .. (شسوي بالورد.. لو جايب فواكه للأطفال مو أحسن) !
😍
تريدون جمال أكثر من هذا ؟
تعليقات
